കോഴിക്കോട് വടകരയിലെ താലൂക്ക് ഓഫീസിൽ തീപിടുത്തം. ഇന്ന് പുലർച്ചെോടെയാണ് സംഭവം. ഷോർട്ട് സർക്യൂട്ടാണ് തീപടരാൻ കാരണമായതെന്നാണ് പ്രാഥമിക നിഗമനം. തീപിടുത്തത്തിൽ കെട്ടിടത്തിന്റെ മേൽക്കൂരയും തകർന്നു. അഗ്നിശമന സേന സ്ഥലത്തെത്തി തീ അണയ്ക്കാനുള്ള ശ്രമം തുടരുകയാണ്. കത്തിനശിച്ച രേഖകൾ സംബന്ധിച്ചും വിവരങ്ങൾ ലഭ്യമായിട്ടില്ല
ജില്ലാ റൂറൽ പോലീസ് മേധാവിയുടെ നിർദേശത്തെ തുടർന്ന് പോലീസും രക്ഷാപ്രവർത്തനത്തിൽ സജീവമായി പങ്കെടുക്കുന്നുണ്ട്. സബ്ട്രഷറി ഉൾപ്പടെയുള്ള കെട്ടിടങ്ങൾ തീപിടിച്ച കെട്ടിടത്തോട് ചേർന്നാണ് സ്ഥിതി ചെയ്യുന്നത്. തീ പൂർണ്ണമായും അണച്ച ശേഷം മാത്രമേ അപകടത്തിന്റെ യഥാർത്ഥ കാരണം കണ്ടെത്താൻ സാധിക്കു എന്നാണ് റിപ്പോർട്ട്.
