നടിയും മോഡലുമായ ഷഹനയെ കോഴിക്കോട്ട് ദുരൂഹ സാഹചര്യത്തിൽ മരിച്ച നിലയിൽ കണ്ടെത്തി. കാസർകോട് ചെറുവത്തൂർ സ്വദേശിയാണ് ഷഹന. ഇന്നലെ രാത്രി ഒരുമണിയോടെയാണ് ദുരൂഹസാഹചര്യത്തിൽ വാടകവീട്ടിൽ തൂങ്ങി മരിച്ച നിലയിൽ ഷഹനയെ കണ്ടെത്തിയത്.സംഭവത്തിൽ ഭർത്താവ് സജാദിനെ പോലീസ് കസ്റ്റഡിയിൽ എടുത്തിട്ടുണ്ട് .മരണത്തിൽ ദുരൂഹത ഉള്ളതായി പോലീസ് സംശയിക്കുന്നു ഇതിനാലാണ് സജാദിനെ പോലീസ് കസ്റ്റഡിയിലെടുത്തത് .
അസ്വാഭാവിക മരണമായി ഷഹനയുടെ മരണത്തെ കണക്കാക്കുന്നതിനാൽ ഇൻക്വസ്റ്റ് നടപടികൾ ആർ.ഡി.ഒ.യുടെ നേതൃത്വത്തിൽ നടത്താനാണ് തീരുമാനം.സജാദും ഷഹാനയും തമ്മിൽ വിവാഹം കഴിഞ്ഞിട്ട് ഒന്നരവർഷമായിഇരുവരും ചേവായൂർ പൊലീസ് സ്റ്റേഷൻ പരിധിയിലുള്ള പറമ്പിൽബസാറിൽ വീട് വാടകയ്‌ക്കെടുത്ത് താമസിക്കുകയായിരുന്നു. യുവതിയുടെ ബന്ധുക്കൾ ദുരൂഹത ആരോപിച്ച് പരാതിയുമായി പൊലീസ് സ്റ്റേഷനിലെത്തിയിട്ടുണ്ട്.
ആത്മഹത്യചെയ്യാൻ തക്ക കാര്യങ്ങളൊന്നും തന്നെ ഷഹാനയുടെ ജീവിതത്തിൽ ഇല്ല,സ്വയമേ തൂങ്ങി മരിക്കാനുള്ള കരുത്തൊന്നും അവൾക്കില്ല തീർച്ചയായും ഇതൊരു കൊലപാതകം തന്നെ ആണെന്നാണ് ഷഹാനയുടെ ബന്ധുക്കൾ പറയുന്നത് .പണത്തിനുവേണ്ടി നിരന്തരം മകളെ ഭർത്താവ് സജാദ് ഉപദ്രവിച്ചിരുന്നുവെന്ന് ഷഹാനയുടെ മാതാവ് ആരോപിച്ചു.തൊട്ടടുത്തുള്ള വീട്ടുകാർ രാത്രി വിളിച്ചറിയിച്ചാണ് മകളുടെ മരണ വിവരം അറിഞ്ഞതെന്നും കുടുംബം പറയുന്നുണ്ട് .
