ഉത്തര്‍പ്രദേശ് നിയസഭാ തെരഞ്ഞെടുപ്പ് പ്രചരണത്തിനിടെ പരസ്യമായി മദ്യം വിളമ്പുന്ന ബി.ജെ.പി പ്രവര്‍ത്തകരുടെ വീഡിയോ പങ്കുവെച്ച് കോണ്‍ഗ്രസ് നേതാക്കള്‍.യൂത്ത് കോണ്‍ഗ്രസ് ദേശീയ അധ്യക്ഷന്‍ ബി.വി. ശ്രീനിവാസും ടി. സിദ്ദിഖ് എം.എല്‍.എയുമാണ് വീഡിയോ പങ്കുവെച്ചിട്ടുള്ളത്.പ്രചരണത്തിനിടെ ബി.ജെ.പി പ്രവര്‍ത്തകര്‍ മദ്യം വിതരണം ചെയ്യുന്നതും കൂട്ടമായി മദ്യപിക്കുന്നതുമാണ് വീഡിയോയിലുള്ളത്. മദ്യപിക്കുന്നതിനിടെ പ്രവര്‍ത്തകര്‍ തിക്കും തിരിക്കും കൂട്ടുന്നതും ഈ വീഡിയോയില്‍ കാണാൻ സാധിക്കും .
എന്തുവിലകൊടുത്തും ഭരണം പിടിക്കുക എന്ന ലക്ഷ്യത്തോടെയാണ് ബി.ജെ.പി. യു.പിയില്‍ കരുക്കള്‍ നീക്കുന്നത്.ഇതിന്റെ ഭാഗമാണ് ഈ മദ്യ സൽക്കാരവും. .‘പരിശുദ്ധമായ ഗംഗാ ജലം നല്‍കുമെന്ന നിലയില്‍ വാഗ്ദാനം ചെയ്ത ബി.ജെ.പി യു.പിയിലെ തിരഞ്ഞെടുപ്പില്‍ വര്‍ഗീയത പോരാ എന്ന് മനസ്സിലാക്കി ഇപ്പോള്‍ നല്‍കുന്നത് എന്താണ്? സബ് കാ സാത്ത്, സബ് കാ വികാസ്… യുപിയിലെ ബിജെപിയുടെ തിരഞ്ഞെടുപ്പ് പ്രചാരണം.! #BJP4UP,’ എന്ന കുറിപ്പോടെയാണ് സിദ്ദിഖ് വീഡിയോ പങ്കുവെച്ചത്.
